الجميل فى مجلس الشعب انهم دايما بيسقفوا عاملين زى العروسة اللعبة اللى لما تسقفلها تفضل تغنى
والأكثر جمالا اننا عاوزين نروح غزة فى الوقت اللى ايرادات اسرائيل من البرمجيات
أكبر من إيرادات مصر فى قناة السويس
والأكثر جمالا وجمالا إن فيلم الريس عمر حرب بيقولوا فلسفى ؟
وعلا غانم تقول انها مثلت دور الشاذة ببراعة شديدة
والسلفيون يقولون إن كل هذا ابتلاء من الله وأننا لو عدنا اليه لعادت الينا الحضارة المسلوبة
ناسيين شيئا مهما اسمه الأخذ بالأسباب
وما بين الصراع بين تامر حسنى وحماقى ومحاولة اقحام الهضبة فى الموضوع
وما بين انتصارات الأهلى وانتصارات الأهلى وانتصارات الأهلى
ولأن الشعب المصرى زى ما قال أشرف توفيق مضايق جدا إن لاعب واحد سافر سويسرا
ومش مضايق ان فلوس مصر كلها راحت هناك
مصر فاتحة رجلها
العنوان دا ممكن يكون عنوان المدونة
وهو عنوان فكرة كتاب المفروض أبدأ فيه
الكتاب ح أكتبه معاكم على المدونة
هو كتاب ساخر لدرجة الشخرية
طبعا الشخرية ليست من مصر وانا أقدر
إنما ممكن من المسئولين ممكن مننا احنا
من طلبة الطب العباقرة أو الحناطرة
من أى حاجة ممكن أكون شايفها أنا غلط وممكن تشفها أنت صح
وعلى فكرة أى تعليق لك يفرق كتير معايا جدا
حنبدأ بالأسطى بدير وحنختم بالأسطى حسنى
حنبدأ بالقرآن وبعدين اغنية وبعدين قبل ما ننام نرجع نشغل قرآن تانى
أصل المصريين بيشغلوا القرآن قبل ما يناموا يقولك أشغل أغنية ازاى ؟مش ممكن أموت وانا نايم
بروح امه ما يعرفش انه ممكن يموت وهو صاحى وهو بيسمع اغانى ويا سيدى طالما أنت شايف إن الأغانى حرام بتسمعها ليه ؟
كل يوم اربع حتلاقوا أغنية وكل يوم جمعة حتلاقوا فيلم ويوم السبت أجازة رسمية لأن الموظفين بيتعبوا جدا يوم الجمعة مش فيه خطبة جمعة برضه ؟
ويوم الأحد أجازة إخوانا المسيحيين هما مش إخوانا برضه ؟
ويوم الاتنين أجازة الحلاقين
ويوم التلات أجازة الغلبانين والأربع أجازة المطحونين والخميس أجازة البنى آدمين وما أدراكم ما يوم الخميس
أظن أنت بتقول دلوقتى الواد دا بيقول إيه ؟
ح اقولك
مصر فاتحة رجلها
مستنية الواد اللى حيحررها من بابا حسحس وماما سوسو
مصر فاتحة رجلها
مستنية اللى قاعدين يكيكوا فيها يخلصوا
مصر فاتحة رجلها مستنيه المصريين يقوموا من وضعهم المخزى
وهو ربما الوضع رقم 17 فى كتاب الأوضاع الجنسية وعلاقتها بالصحة النفسية
مصر فاتحة رجلها لأنهم خلاص قطعو ايديها ولو بصيت على الخريطة حتعرف إن مصر فاتحة رجلها
الاشتراك في:
تعليقات الرسالة (Atom)
والله ياباشا موضوع جامد اوي
ردحذفواحنا فعلا محتاجين قائد او بالاحري
ثوري لان بصراحة التعليم في مصر
لايساعد بالمرة علي اي تقدم
او حتي علي مجرد ان يتكلم الشعب
او يعترض لاننا ندرس دائما في الابتدائي
اساسيات ان رئيسنا هو قائدنا
وهو المرفوع عنه الحجاب ويعمل مافي صالحنا
وهومن نسلم له بكل شيء
واخيرا لايغير الله مابقوم حتي يغيرو ما بانفسهم
وشكراااااااااااااا
ارجو من الأخ كاتب هذا الموضوع أن يتراجع عن هذا العنوان مهما كانت النوايا طيبة فلا نقبل أن يرتبط إسم مصر بعنوان يسيئ إليها وخصوصاً وأنا خارج مصر وهناك بعض الدول العربية والخليجية والتي نعرف جميعاً ينتظرون أي شيئ للسخرية منا لأنهم إلى الآن لديهم عقدة نقص تجاه مصر والمصريين برجاء يا أخي الفاضل تغيير هذا العنوان.
ردحذفأخوك / أحمد خضير - مصري مقيم في الكويت
السلام عليكم
ردحذفالصراحه انا مبهورة بالمدونة والاسلوب وناوية اتابعها بانتظام ..
بس مش عارفه .. الاسم صعب اوي .. قصدي مش مناسب
بصراحه هو وحش جداااا
ماتخيلش اني هاروح اشتري كتاب بالاسم ده !!